Zaxarova “kəsişmə”ni konstruktiv hesab edib. Zaxarova üçtərəfli işçi qrupunun böyük iş gördüyünü və artıq bütün tərəfləri qane edən həll paketinə yaxın olduqlarını bildirib. Zaxarovanın bu qiymətləndirməsi son vaxtlar Ermənistan-Rusiya münasibətləri sahəsində yaşanan ritorikada təəccüblüdür. Sonuncu dəfə həmin Zaxarovanın brifinqlərində Ermənistanın bu və ya digər yanaşması və ya addımı ilə bağlı müsbət tonda bəyanat verildiyini xatırlamaq kifayət qədər çətindir. Buna görə də sual yaranır ki, “kəsişmə” ideyasına qarşı belə qiymətləndirmə nə ilə bağlıdır?

Bu, həqiqətən 2021-ci ilin yanvarında Moskvada keçirilən görüş əsasında yaradılmış Baş nazir müavinləri səviyyəsində işçi qrupunun müzakirələrinin məntiqini və məzmununu əks etdirirmi, yoxsa Zaxarova tərifləməklə Ermənistanın “Sülh kəsişməsi” adlanan konsepsiya və ya ideyasını “gözdən salmağa” çalışır? Nəzərə almaq lazımdır ki, Moskvanın pozitiv münasibəti obyektiv və ya subyektiv səbəblərdən Ermənistan ictimaiyyətinin əhəmiyyətli hissəsinə, eləcə də beynəlxalq aktorlara, xüsusən də Qərb dövlətlərinə kifayət qədər mənfi təsir göstərə bilər.

Digər tərəfdən, Zaxarova onu da xatırladıb ki, üçtərəfli sazişlərə əsasən, Naxçıvanla Azərbaycanın qərb rayonları arasında nəqliyyat əlaqəsinə nəzarət Rusiya Federasiyasının FSB sərhəd xidməti tərəfindən həyata keçirilməlidir. Məgər Ermənistanın məntiqi ilə də belə güman edilir? Yoxsa geniş ictimaiyyətə məlum olmayan, ictimai olmayan və yalnız dar çərçivədə müzakirələrdə iştirak edənlərin başa düşdüyü şeylər var, ictimai sahədə isə tez-tez əsas məqsədi məhz dar müzakirələrdə formalaşdırılmış məzmunun gizlədiməsi olan şeylər deyilir və ya təqdim olunur?

Təbii ki, Zaxarova 10 noyabr bəyanatının 9-cu bəndində yazılanları xatırladır, onun altında Ermənistanın Baş nazirinin də imzası var.

Asif Cəfərov
Ordu.az